Muqdisho (Dawan)- Xafiiska Xeer-ilaalinta Guud ee Qaranka ayaa sheegay in ay gacanta ku hayaan gal-dacwadeedka Sacdiyo Macallin Cali, kaas oo ay Xeer-ilaalintu u gudbisay hay’adaha baarista.
Sida lagu sheegay qoraal kasoo baxay Xeer-ilaalintu, Sacdiyo waxaa lagu eedeeyay falal la xiriira “Kicin Bulsho” iyo “Sumcad Dil”. Haddaba, maxay yihiin labadaas eray marka loo eego sharciga ciqaabta Soomaaliyeed?
Sida uu dhigayo hindise-sharciyeedka Sharciga Ciqaabta Soomaaliyeed, “Kicin Bulsho” waa fal sababa kicinta bulshada, nacayb qabyaaladeed ama ku baaqaya takoor ku saleysan isir, diin ama dhaqan. Waxa kale oo ku jira falal ay ka mid yihiin quursi, aflagaaddo, nacayb ama gacan-ka-hadal loo geysto qof ama koox dad ah, kuwaas oo lagu faafiyo warbaahinta ama baraha bulshada iyadoo ujeeddadu tahay in nacayb lagu dhex abuuro bulshada.
Haddaba, qofka lagu helo dambiga “Kicin Bulsho” maxay tahay ciqaabtiisu?
