Burkina Faso (Dawan) – Wasiirka Amniga Gudaha Soomaaliya Cabdullaahi Sheekh Ismaaciil (Fartaag) ayaa dalka Burkina Faso kula kulmay hoggaamiyaha dalkaas Kabtan Ibrahim Traoré, isaga oo ku wareejiyay farriin uu ka siday Madaxweynaha Soomaaliya Xasan Sheekh Maxamuud oo lagu xoojinayo iskaashiga caalamiga ah, gaar ahaan dhinacyada amniga iyo la dagaallanka argagixisada, sida ay sheegtay wasaaradda amniga.
War-saxaafadeed ay baahisay Wasaaradda Amniga Gudaha shlay oo Arboco ah ayaa lagu sheegay in booqashada wasiirku ay qeyb ka tahay dadaallada Soomaaliya ay ku xoojinayso iskaashiga caalamiga ah, gaar ahaan arrimaha amniga iyo la dagaallanka argagixisada.