M/weynaha Soomaaliya oo dhaliilay hannaanka caddaaladda adduunka kuna baaqay dib-u-habeyn

Madaxweynaha ayaa sheegay in dhacdooyinkii Qaza ay “sumcad darro iyo kalsooni xumo ku abuureen indhaha caalamka,” isaga oo intaas ku daray in “dawladaha waaweyn badankood aysan hadda haysan muraayaddii anshaxa ee ay ku hortagi jireen ummadaha si ay ugu sharraxaan qiimaha caddaaladda.”

 Xasan Sheekh Maxamuud ayaa xusay in ay sii xoogeysanayso aragtida ku saabsan in hay’adaha caalamiaga ah oo ay ku jiraan Qaramada Midoobay iyo Golaha Ammaanka in ay u baahan yihiin dib-u-habeyn qoto dheer. “Nidaamka hadda jira, si habboon uma shaqeynayo ,” ayuu carrabka ku dhiftay Madaxweyen Xasan, isaga oo raaciyay in Soomaaliya oo hadda ka ah Golaha Ammaanka xubin aan joogto ahayn in ay ku howlantahay ololaha dib u -u-habeynta hay’adahan “Waqti dheer ma qaadan doonto inta laga gaarayo arrintaas,” ayuu ku daray. 

Wuxuu Madaxweynuhu kusoo gabagabeeyay hadalkiisa, in falcelinta caalamiga ah ee ku aaddan khilaafka Qaza ay astaan u noqon karto isbeddel weyn oo soo saamayn ku yeesha mustaqbalka, isaga oo yiri; “Tani waxay noqon doontaa barta is-rogga ee nidaamka caddaaladda iyo diblomaasiyadda caalamiga ah"