Sacuudiga oo taageeraya mashruuc horumarinta beeraha Soomaaliya oo ay ka faa’iideysanayaan 4,800 qof

Riyaadh(Dawan) — Xarunta Gargaarka Bani’aadantinimo iyo Gurmadka ee Boqor Salmaan (KSrelief) ayaa heshiis la saxiixatay Hay’adda Zamzam si Soomaaliya looga fuliyo mashruuc isku-dhafan oo horumarinta beeraha ah, kaas oo la filayo inuu ka faa’iideystaan 4,800 qof, sida ay sheegtay Wakaaladda Wararka Sacuudiga (SPA) Jimcihii.

Mashruuca oo qeyb ka ah hindisaha “Seed” ayaa looga gol leeyahay in lagu taageero beeraleyda, kor loogu qaado wax-soo-saarka beeraha iyo in la dhiirrigeliyo horumar waara, sida ay SPA sheegtay.

Heshiiska ayaa lagu kala saxiixday xarunta KSrelief ee magaalada Riyadh, waxaana xarunta u saxiixay kaaliyaha kormeeraha guud ee howlaha iyo barnaamijyada, Axmed bin Cali Al-Baiz, halka Hay’adda Zamzam uu u saxiixay agaasimaheeda fulinta Cumar Jaamac Aadam.

Mashruucu wuxuu dib u habeyn ku sameyn doonaa dhul-beereedyo aan la isticmaalin, wuxuu dayactiri doonaa kanaallada waaweyn iyo kuwa yaryar ee waraabka, wuxuuna bixin doonaa bambooyin biyood ku shaqeeya tamarta qorraxda oo laga hirgelinayo dowlad-goboleedyada Hirshabeelle iyo Koonfur Galbeed.

Waxaa sidoo kale beeraleyda la siin doonaa qalab iyo agab wax-soo-saar oo beeraha ah, waxaana lagu tababari doonaa hababka casriga ah ee beerashada. Saddex iskaashato beeraley ah ayaa sidoo kale heli doona cagaf-cagafyo, iyadoo mashruuca uu kormeerayo Wasaaradda Beeraha Soomaaliya.

Mashruucan ayaa qeyb ka ah dadaallada Sacuudiga ee dhinaca gargaarka iyo bani’aadantinimada, iyadoo loo marayo KSrelief, si loo taageero bulshooyinka nugul, loo xoojiyo sugnaanta cuntada loona horumariyo hab-nololeedka bulshada, sida ay SPA sheegtay.

Sacuudiga oo taageeraya mashruuc horumarinta beeraha Soomaaliya oo ay ka faa’iideysanayaan 4,800 qof

Xamse oo guddoomiyay kulankii ugu horeeyay ee Guddiga Maareynta Khataraha Masiibooyinka

Maxaa sababay in ciyaariyahan Cali Cabdi Daahir laga mamnuuco kubadda Cagta muddo sanad ah ?

Soomaaliya: Jamaaco Suufi ah oo Mawliidka ku xusaysa in ka badan 1,500 geel

Puntland oo dalbatay jawaab ku saabsan duqeymaha Garmaal ee burcad-badeedda lala xiriiriyay

Maqaallo La Xidhiidha

Booliska Hirshabeelle oo Mahadaay ku dilay laba xubnood oo ka tirsanaa Al-Shabaab

Golaha Mustaqbalka oo iska fogeeyay kulan Khamiistii dhex maray Shariif iyo Farmaajo

Markab Shidaal oo lagu afduubtay Gacanka Cadmeed

Qoraallo Cusub

Xamse oo guddoomiyay kulankii ugu horeeyay ee Guddiga Maareynta Khataraha Masiibooyinka

Maxaa sababay in ciyaariyahan Cali Cabdi Daahir laga mamnuuco kubadda Cagta muddo sanad ah ?

Sacuudiga oo taageeraya mashruuc horumarinta beeraha Soomaaliya oo ay ka faa’iideysanayaan 4,800 qof

Qaybaha