Shirkadaha Moumin Group oo soo bandhigay astaan cusub oo ka tarjumaysa kobaca iyo aragtida mustaqbalka

WAR-SAXAAFADEED: FAAFIN DEGDEG AH

Muqdisho, Soomaaliya – Shirkadaha Moumin Group waxay si rasmi ah u soo bandhigayan astaanta cusub ee shirkaadaha, taas oo ka tarjumaysa marxalad cusub oo ka mid ah horumarka joogtada ah iyo koboca istiraatiijiyadeed ee shirkadda.

Astaantan cusub ee la casriyeeyay waxay muujinaysaa sida ay Moumin Group uga go’an tahay horumar, hal-abuur iyo aragti fog oo mustaqbalka ah, iyadoo isla markaana ilaalinaysa aasaaska adag ee hagayay tan iyo bilowgeedii.

Naqshadda astaanta cusub ayaa ah mid casri ah oo muujinaysa horumar muddo dheer soo socday, iyo qiyamka udub-dhexaadka u ah safarka shirkadaha iyo himilooyinka ay hiigsanayan mustaqbalka. Dib-u-habayntan sumadeed ayaa ku soo beegmaysa xilli ay Moumin Group sii ballaarinayso hawlaheeda, isla markaana xoojinayso qaybaha kala duwan ee ganacsiga.

In kasta oo isbeddel lagu sameeyay sumadda, hadana Moumin Group waxay xaqiijinaysaa in himilooyinka iyo qiyamka asaasiga ah ay weli sidoodii yihiin. Shirkaddu waxay sii wadaysaa bixinta adeegyo tayo leh, xoojinta iskaashiyada, iyo ka qayb-qaadashada horumarinta dhaqaalaha bulshooyinka ay u adeegto.

Dib-u-habayntan ayaa xoojinaysa ballan-qaadka shirkadda ee ku aaddan tayada sare iyo koboca lama huraanka ah, iyadoo isu diyaarinaysa inay ka faa’iidaysato fursadaha mustaqbalka ee heer qaran iyo heer caalami.

Astaanta cusub ayaa si habsami leh looga hirgelin doonaa dhammaan qaybaha Moumin Group of Companies iyo baraha ay ku leedahay social media.

Ku Saabsan

Moumin Group oo xarunteedu tahay magaalada Muqdisho ee Soomaaliya, waxaa ka go’an horumarinta howlaheeda qaaradda Afrika, iyadoo ka hawlgasha qaybaha muhiimka ah sida caafimaadka, beeraha, ganacsiga iyo kaabeyaasha dhaqaalaha.