Muqdisho (Dawan) — Xafiiska Hanti-dhowrka Guud ee Jamhuuriyadda Federaalka Soomaaliya ayaa shalay qabtay kulan shaqo oo ay ka qeyb galeen mas’uuliyiin ka socday Wasaaradda Ganacsiga iyo Warshadaha, Hay’adda Aqoonsiga Qaranka iyo Agaasinka Dakhliga ee Wasaaradda Maaliyadda.
Sida uu sheegay xafiisku, kulankan ayaa diiradda lagu saaray dardargelinta iyo fududeynta habraacyada dukumentiyada la xiriira diiwaangelinta iyo fulinta heshiisyada iyo qandaraasyada ay ku lug leeyihiin hay’adaha Dowladda Federaalka Soomaaliya.
Mas’uuliyiinta ayaa carrabka ku adkeeyay muhiimadda kulankan u leeyahay xoojinta nidaamka dowladeed, hagaajinta habsami-u-socodka shaqada hay’adaha, iyo adkaynta isla-xisaabtanka maamulka guud.
