Muqdisho (Dawan)— Wafdi sare oo ka socda Ciidanka Cirka Pakistan ayaa maanta soo gaaray magaalada Muqdisho, halkaas oo uu ku soo dhaweeyay Taliyaha Ciidanka Cirka Soomaaliyeed, S/Guuto Cabdirisaaq Maxamuud Xaaji, sida ay sheegtay Wasaaradda Gaashaandhigga Soomaaliya.
Wafdiga waxaa hoggaaminaya Taliyaha Difaaca Cirka ahna Taliye Ku-xigeenka Ciidanka Cirka Pakistan, Air Marshal Muhammad Sarfraz.
Booqashada wafdiga ayaa daba socota booqashadii Wasiirka Gaashaandhigga Soomaaliya, Axmed Macallin Fiqi, uu bishii Agoosto 2026 ku tagay Pakistan, taas oo diiradda lagu saaray xoojinta xiriirka labada dal iyo iskaashiga dhinacyada difaaca iyo amniga.
