Taran App oo Doonaysa Inay Isku Xirto Lacagaha Mobile-ka Soomaaliya ee Kala Qaybsan.

Rajooyinka Isticmaaleyaasha

Dr. Amiin Garweyne, Dhakhtarka dhakhtarka timaha maqaarka  iyo cidiyaha oo ka howlgala Muqdisho, ayaa sheegay in barnaamijkaan cusub uu yahay rajo dheeraad ah oo ka badan horumarin farsamo.

“Markii hore, macaamiishu waxay lacagaha ku bixin jireen bangiyo kala duwan, waxaana waqti badan naga qaadan jiray in aan u lacagahaas hal xisaabaad iskugu geyso dhammaadka maalinta,” ayuu yiri. “Marka aan isticmaalayo Taran App, dhamaan lacagaha waxaad iskugu geyssan kartaa hal meel, taasoo badbaadineysa waqti iyo qarash nooga bixi lahaa booqashada bangiyada kala duwan.”

Dhalinyarada Isticmaasha ayaa u arka in ay ka baxeen dhibaato aan loo baahnayn in ay dhacdo marki hore. Cbdiraxmaan Cadow, oo ku nool Muqdisho, ayaa sheegay in uusan hadda u baahnayn in uu qaado SIM cards badan.

“Marka aan isticmaalayo Taran App, waxaan si sahlan lacagta aan haysto, ugu rogi karaa lacagta aan u baahanahay,” ayuu yiri. “Xitaa haddii lacagta aan haysto ay ku jirto bangi ama meela kala duwan, hadda waxaaan u beddelan karaa si sahlan.”

In Ka Badan Farsamo

Dhaqaalaha Soomaaliya ayaa ah mid ka mid ah kuwa ugu badan ee ku tiirsan lacagaha mobilka ee adduunka, iyadoo in ka badan shan milyan oo qof ay ku tiirsan yihiin lacagaha dijitaalka ah. Inkasta shirkadaha sida Taran ay buuxin karaan farqiga farsamo, falanqeeyayaasha ayaa ka digaya in hal-abuurka kaliya uusan xallin karin dhibaatooyinka nidaamiga ah si qota dheer.

“Shirkadaha yar yar waxay buuxin karaan farqiga farsamo, laakiin iyada oo aan la helin xeerar sharci, halista musuqmaasuqa, khidmadaha aan cadaaladda ahayn, iyo xad-gudubyada xogta ayaa weli taagan,” ayuu yiri Muuse.

Jidka Horumarinta

Hadda, Taran App waxay matalaysaa rajo cusub oo hal-abuurka gudaha ah: App loogu talagalay inuu ka dhigo nolol maalmeedka mid sahlan. Haddii rajooyinkan ay u beddelaan dhab xasilloonida dhaqaale waxay isku xiri doontaa iskaashiga  u dhexeeya shirkadaha yar yar, hawl-wadeenada isgaarsiinta teleefanada, iyo hay’adaha Soomaaliya ee soo koraya.